Орманның ар жағында. Халықаралық көрме

2026 жылдың 3-ші сәуір күні сағат 16:00-де Әбілхан Қастеев атындағы Ұлттық өнер музейінде Қытай кескіндемеші  Лу Линьнің «Орманның ар жағында. Құрлық пен теңіздегі саяхаттар» атты көшпелі халықаралық жеке көрмесі ашылады, деп хабарлайды "Сапалы Қазақстан" порталы. 

Экспозицияда майлы бояу техникасында орындалған қытай кескіндемесінің 17 туындысы ұсынылады.

Лу Линь Қытайдың Цзинань қаласында дүниеге келген. Қазіргі таңда Бейжің қаласында тұрып, шығармашылықпен айналысады. 2009 жылы Тяньцзинь бейнелеу өнері институтын тәмамдаған. Суретшінің шығармашылығы негізінен пейзаж жанрына бағытталғанымен, ол дәстүрлі түсініктегі табиғат көріністерінен алшақтап, көрерменді үйреншікті жанр шеңберінен тыс ойлауға жетелейді. Экспрессивті, кейде қою әрі драмалық, сонымен қатар жарыққа толы композициялар көрерменді ішкі толғаныс пен белгісіз кеңістіктерге жетелейді. Суретші орман, жол немесе индустриялық ландшафт бейнесін ұсына отырып, олардың мағыналық бағытын көрерменнің өз қиялына қалдырады.

«Орманның арғы жағы. Құрлық пен теңіздегі саяхаттар» көрмедегі туындылары дәстүрлі қытай кескіндемесі мен заманауи халықаралық мәдени тәжірибенің тоғысында қалыптасқан. Суретшінің авторлық стилінің қалыптасуына соғыстан кейінгі еуропалық өнер, әсіресе Ансельм Кифер мен Герхард Рихтердің шығармашылығы айтарлықтай ықпал еткен. Теориялық тұрғыда оның ой-танымына Эрнст Юнгер, Стефан Малларме және Хан Бён Чхоль сынды ойшылдардың еңбектері әсер еткен.

Кескіндемешінің жұмыстары бүкіл әлем бойынша: Бейжің, Шанхай, Сингапур, Берлин, Санкт-Петербург, Алматы және басқа да қалалардағы музейлер мен галереяларда қойылған. Оның осы көрмеде ұсынылған жұмыстары Эрарта заманауи өнер музейі, «Қазан Кремлі» мемлекеттік тарихи-мәдени музей-қорығы, Төменгі Новгород мемлекеттік көркемөнер музейі, Уфа мемлекеттік көркемөнер музейлерінде көрмеде болған. Осылайша, Әбілхан Қастеев атындағы Қазақстан Республикасының Ұлттық өнер музейі Лу Линьнің шығармашылық циклындағы қорытынды әрі маңызды аялдама болып саналады.

Көрме «KazInvest Union» ЖШС демеушілігімен ұйымдастырылды.

       Көрме 1 мамырға дейін жалғасады.

Барлық өнер сүйер қауымды салтанатты ашылу рәсіміне шақырамыз!

Өтетін орны: Мерзімді көрмелер залы (2-ші қабат)

Қосымша ақпарат: 8 (727) 394-57-15 (ішкі. 123) - ресепшн

Көрме кураторы: Азат Дидар

+7 700 369 0823