Маскаттан тағы 314 қазақстандық ұшып келді

Бұған дейін Air Astana Медина мен Джидда қалаларынан рейстер орындады

Қазақстандық SCAT әуекомпаниясы Boeing 767 әуе кемесімен Алматы – Маскат – Алматы бағыты бойынша DV5361 рейсін орындады, деп хабарлады азаматтық авиация комитеті.

"Қазақстанға балалы жолаушыларды қосқанда 314 адам жеткізілді", - делінген хабарламада.

Комитет Қазақстан азаматтарын қайтару жөніндегі жұмыс мүдделі мемлекеттік органдармен және авиатасымалдаушылармен келісе отырып жалғасып жатқанын айтты.

Бұған дейін азаматтық авиация комитеті Air Astana әуекомпаниясы Медина мен Джидда қалаларынан 142 адам Ақтауға, 498 жолаушы Атырауға түрлі борттармен ұшқанын хабарлаған болатын.

Дерек көзі:https://sputnik.kz