Қазір елімізде бір грамм алтын қанша тұрады

Ұлттық банктің мәліметіне сәйкес, 26 ақпан таңертеңгі жағдай бойынша бір грамм алтынның бағасы 82 542,16 теңге болды, деп жазды kaz.inform.kz. 

Бір апта бұрын баға 77 543,67 теңге болған. 

Әлемдік алтын нарығында да бағаның өсуі байқалып отыр. Reuters агенттігінің мәліметінше, 25 ақпандағы жағдай бойынша алтынның спот бағасы 1,1%-ға өсіп, унциясына 5 202,28 АҚШ долларын құрады, ал АҚШ-тың сәуір айындағы фьючерстері шамамен 1%-ға өсіп, 5 226,20 доллар болды. Жыл басынан бері металл шамамен 20%-ға қымбаттаған.

Алтын бағасы АҚШ сауда тарифтері инфляцияны жеделдетуі мүмкін деген алаңдаушылыққа байланысты қауіпсіз активтерге деген сұраныстың артуы аясында өсіп келеді. Иран мен АҚШ арасындағы шиеленіс және жалғасып жатқан геосаяси тәуекелдер баға белгілеуге қосымша қолдау көрсетіп отыр. 

Bank of America талдаушылары көктемде қысқа мерзімді түзету болуы мүмкін екеніне қарамастан алдағы 12 айда баға унциясына 6 мың долларға жетеді деп шамалап отыр.