Қазақстанда жеке кәсіпкерлер көп қысым көріп жатыр. Мейрамбек Қаныбеков. Өзекті мәселе

Жалпы барлық елде кәсіпкерлік  экономиканың қозғаушы күші саналады. Қазақстанда да соңғы жылдары кәсіпкерліктің экономикадағы үлесі артып келеді. 

Мысалы келтірер болсақ, бір Алматы қаласының өзінде 400 мыңға жуық бизнес субьектісі тіркелген. Жалпы елімізде жұмыспен қамтылғандардың тең жартысы шағын және орта бизнес субъектісінде қызмет етеді.

Нарықта табысты болудың негізгі көрсеткіші орта бизнестің өркендеуімен өлшенеді, деп атап өтті Мемлекет басшысы.

Дегенмен, жеке кәспкерлердің бизнесі қалай жүріп жатыр? Мемлекеттік құрылымдар тарапынан бизнесмендерге қысым көрсетіліп жатқан жоқ па? Бұл сұрақты «Атамекен» ҰКП Алматы қалалық филиалы директорының құқықтық мәселелер жөніндегі орынбасары Қаныбеков Мейрамбек Маханбетәліұлына қойған едік.