«Реал Мадрид» Алматыға қанша сағатта ұшып келеді?

Қазақстанның «Қайрат» клубы UEFA Чемпиондар Лигасының негізгі топтық кезеңінде атағы жер жарып тұрған бірқатар командаға қарсы ойнайды. Бұл туралы "Сапалы Қазақстан" порталы qazaqstan.tv сайтына сілтеме жасап хабарлайды.  

Бас-аяғы 8 матч өткізеді. Оның төртеуін үйде, яғни «Қайрат» өз алаңында қабылдаса, қалғаны түзде: сырт алаңда болады. Алматы – биылғы маусымда Чемпиондар лигасының ойындары өтетін ең шығыс шаһар. Сондықтан шетелдік клубтар елге келу үшін кемі 7 сағат жұмсайды.

 Мәселен, испаниялық «Реал Мадрид» футбол командасы шамамен 10 сағат 50 минутта ұшып келсе, бельгиялық «Клаб Брюгге» 9 сағатта жетеді. 

Ал Грекия астанасы атынан шығатын афиналық «Олимпиакос» бұл сапарға 8 сағатын жұмсайды. 

«Пафос» командасы Кипр астанасы Никосиядан ұшса, Алматыға жобалап 8 сағатта жетеді.

Айта кетсек, алматылық «Қайраттың» Чемпиондар лигасындағы тарихи жеңісінен кейін, Қазақстанның УЕФА рейтингідегі көрсеткіші жақсарды. Бұған дейін 39-шы орында тұрса, енді бірден бес сатыға көтеріліп, 34-ші орынға табан тіреді. Осылайша, Қазақстан Армения, Латвия, Финляндия, Косово және Босния мен Герцеговинадан алға шықты.