Егер тәжірибеңіз болмаса, мамандар жұмысты көк шөптен бастауға кеңес береді. Хош иісті шөптер мен жапырақты салаттар ірі көкөніс дақылдарына қарағанда күтімді аз талап етеді.
Жапырақты салат
- Күрделілік деңгейі: төмен.
- Күнге қажеттілік: ішінара көлеңке (алакөлеңке).
- Жинау мерзімі: алғашқы жапырақтарды егілгеннен кейін 30–35 күннен соң жинауға болады.
- Күтім ерекшеліктері: егер үй ішінде өсірсеңіз, салатты күн жақсы түсетін жерге қойыңыз, бірақ топырақтың үнемі ылғалды болуын қадағалаңыз. Өсімдіктер арасындағы қашықтық шамамен 10–15 сантиметр болуы тиіс.
Шнитт-жуа және көк жуа
- Күрделілік деңгейі: төмен.
- Күнге қажеттілік: толық күн сәулесі, бірақ алакөлеңкеге де төзімді. Көп ылғалды қажет етеді.
- Жинау мерзімі: шнитт-жуа тұқымын сепкеннен бастап алғашқы жапырақтары шыққанша 12 апта өтеді, ал көк жуаның алғашқы өнімі бірнеше күнде піседі.
- Күтім ерекшеліктері: шнитт-жуа биіктігі шамамен 15 сантиметр болатын бұта болып өседі және салқын жағдайды ұнатады.
Ақжелкен (Петрушка)
- Күрделілік деңгейі: орташа.
- Күнге қажеттілік: терезе алдындағы жақсы жарық.
- Жинау мерзімі: жапырақтарды тұқым себілгеннен кейін 10-12 аптадан соң кесіп алуға болады.
- Күтім ерекшеліктері: тұқымды тікелей 15 сантиметрлік түбектерге егуге немесе бақшадан жас, сау өсімдіктерді көшіріп отырғызуға болады (бір түбекке бір мықты бұта жеткілікті).
Кинза (Кориандр)
- Күрделілік деңгейі: орташа.
- Күн сәулесіне қойылатын талаптар: жарық терезе алдында жақсы жарықтандыруды қажет етеді.
- Жинау мерзімі: шамамен 10–12 апта.
- Күтім ерекшеліктері: кориандр үй жағдайында өте оңай өсіріледі, ал күтімі ақжелкенге ұқсас.
https://kaz.tengrinews.kz/mixnews/