Тауарды  таңбалау -  бизнесті  өлтіру

 Жергілікті дүкендердің иелері тауарларды таңбалауға қарсы. Оқу сканерлерін сатып алу және қызметкерлер штатын кеңейту кәсіпкерлер үшін қазір мүмкін емес шаруа.   Қазақстандық кәсіпкерлер тауарларды таңбалаудың күшін жоюға қол жеткізуге тырысуда.   Олар бұл жаңалық олардың бизнесіне әсер етеді деп санайды.  Бөлшек сауда дүкендері алкоголь, темекі және сүт өнімдерінің кодтарын оқу үшін арнайы жабдық сатып алуы керек. Ол  құрылғы аз ақша тұрмайды.

"Таңбалау  енгізілсе,  біз  барлық жабдықты, компьютерлерді, жаңа кассалық аппаратты, 2D және 3D сканерлерді сатып алуымыз керек. Егер мұндай заң енгізілсе, бізге таңбаланбаған тауар үшін айыппұл салынады. Егер олар айыппұл сала бастаса, біз жабыламыз", – деп шағымданды дүкен иесі Сәуле Ермағамбетова.

Жеке кәсіпкер Гүлнар Сауденованың пікірінше, таңбалауды енгізуге арналған ресурстар көтерме саудагерлерде бухгалтерлер, айтишниктер және заңгерлер штаты бар   шағын   және орта бизнес өкілдері үшін  ауыртпалық болмас.   Бизнесмендер таңбалау бір миллион теңгеден бірнеше миллион теңгеге дейінгі соманы құрайды деп есептейді, оған қоса бухгалтер немесе бағдарламашы  жалдау  қажет  болады.

Бірқатар тауарларға міндетті таңбалау 2022 жылдан бастап жүргізіледі. Үкімет бұл бастамадан бас тартпайды.  Олар  бұл жаңалық халықты жалған өнімнен қорғайды , - деп  санайды. Сонымен қатар, балама бар – сканердің орнына қарапайым смартфонды пайдалануға болады.

"Салық төлеушілерге қымбат жабдықты сатып алудың қажеті жоқ, тауарларды таңбалаудың ақпараттық жүйесінде ЭЦҚ арқылы  Markirovka.kz тіркелсе  жеткілікті. 2D-сканерге балама ретінде салық төлеуші "Накты сауда" тегін қосымшасын да пайдалана алады.

Тауарларды таңбалау бойынша бірыңғай оператор болып "Қазақтелеком" таңдалды. Онда барлық ұсыныстар мен мәселелер пысықталып жатқанын және бөлшек сауда рәсімін мүмкіндігінше жеңілдететінін хабарлады.

Алайда кәсіпкерлер жазалау шараларынан қорқып, әлі де  жаңашылдыққа сенімсіздікпен  қарайды.