Бүгінгі таңда елімізде зағиптар қоғамының 30 шақты кәсіпорны бар. Павлодарлық филиал – еліміз бойынша ең үлкені. Мұнда 70-тен астам  адам еңбек етеді.

Павлодар оқу-өндірістік кәсіпорны күнделікті тұрмысқа және кәсіпорындарға қажетті бірнеше тауар түрлерін ұсынады. Олардың ішінде: көрпелер, бетперделер, матрастар, төсек-орын жабдықтары, жұмысқа арналған қолғаптар, медициналық киімдер, нәрестелерге арналған киімдер мен төсек-орын жабдықтары және т.б. тауар түрлері бар. Айта кету керек өндірілген тауарлардың сапасы жақсы және қарапайым халыққа қолжетімді бағамен сатылады. Павлодардағы қазақ зағиптар қоғамына қарасты оқу-өндірістік кәсіпорны жақында Қазақстанның үздік тауарлары көрме-жәрмеңкесіне қатысып, өз өнімдерін көпшілікке ұсынды.

Фото: www.alibaba.com