Зілтемірді еңсерген арулар

Зілтемірді еңсерген арулар

фото: kaz.inform.kz

       Астанада ауыр атлетикадан әйелдер арасындағы Қазақстан чемпионаты жалғасып, екі салмақ дәрежесінде ел үздіктері анықталды.

       Жарыстың қырық тоғыз келіге дейінгі салмағында Жамбыл облысының намысын қорғаған Айнұр Абдықалықова қарсыластарына дес бермей, чемпиондық тұғырға көтерілді. Жиырма жеті жастағы спортшы жұлқа көтеруде алпыс төрт, серпе көтеруде сексен келіні бағындырды. Қоссайыс қорытындысында жүз қырық төрт келі салмақты еңсеріп, алтын жүлдені иеленді.

time.kz

       Ал елу үш келіге дейінгі салмақта Жетісу облысының өкілі Айгерім Әуелбек үздік нәтиже көрсетті. Жиырма сегіз жастағы зілтемірші жұлқа көтеруде жетпіс үш, серпе көтеруде тоқсан келіні көтеріп, жалпы есепте жүз алпыс үш келі нәтижемен қарсыластарынан оқ бойы озық шықты. Осылайша, ол Қазақстан чемпионы атанды.

       Айта кетейік, аталған салмақтардағы жүлделі орындар үшін Қостанай, Қызылорда және Қарағанды облыстарының спортшылары да бақ сынады. Нәтижесінде Айнұр Абдықалықова мен Айгерім Әуелбектің жеңісі өңірлердегі ауыр атлетика мектебінің әлеуетін тағы бір мәрте көрсетті. Чемпионаттағы өзге салмақ дәрежелері бойынша да бәсеке жалғасуда.

Подписывайтесь на наши соцсети и будьте в курсе всех событий!

Читайте также

Подписаться
Комментарии
Чтобы оставить комментарий зарегистрируйтесь или войдите