Синоптиктер күн райына байланысты Қазақстанның 13 өңірі мен Астанада ескерту жариялады

       Қазақстанның 13 өңірі мен Астанада күн райына байланысты ескерту.

       Синоптиктер  күн райына байланысты Қазақстанның 13 өңірі мен Астанада ескерту жариялады.

       Астанада көктайғақ, таңертең тұман, оңтүстік-батыстан желдің екпіні түнде және таңертең секундына 15–20 метрге дейін күшейеді.

       Ақмола облысында түнде қар жауып, жаяу бұрқасын болады; күндіз қар мен жаңбыр, көктайғақ күтіледі. Солтүстік-батыс жел секундына 15–28 метрге  дейін күшейеді.

       Жетісу облысында солтүстік-шығыстан жел 15–20 м/с-қа жетеді.

       Алматы облысында тау бөктері мен таулы аудандарда тұман, жолдарда көктайғақ; желдің жылдамдығы секундына 15–20 метр.

       Қарағанды облысында аздаған қар, жаяу бұрқасын; жел 15–20 м/с, кей жерлерде 23–28 м/с.

       Ұлытау, Батыс Қазақстан, Ақтөбе, Қызылорда облыстарында тұман, көктайғақ, жел.

       Абай, Шығыс Қазақстан, Павлодар, Солтүстік Қазақстан, Қостанай облыстарында қар, жаңбыр, бұрқасын, көктайғақ, тұман; жел кей жерлерде секундына 23 метрге дейін күшейеді.

       Көрсетілген барлық өңірлерде тұрғындар мен жүргізушілерге абай болуға кеңес беріледі.