Ақтауда заманауи стадион салынады

10 мың орындық жаңа нысан UEFA талаптарына сай болады

Бүгін облыс әкімі Нұрдәулет Қилыбай стадион жобасымен танысып шықты.

"Жаңа нысан UEFA талаптарына сай болады. Ол жерде негізгі футбол алаңы, спорттық-сауықтыру кешені, жаттығу және қалпына келтіру аймақтары, сондай-ақ, қосалқы және техникалық бөлмелер қарастырылған", - деп жазды Ақтау қаласының әкімдігі.

Аймақ басшысы жобаны одан әрі нақтылауға тапсырма берді. Одан кейін құрылыс жұмыстарын кезең-кезеңімен атқарылады.

Айта кетері, былтыр "Каспий" футбол клубы мерзімінен бұрын Қазақстанның бірінші лигасының жеңімпазы атанды. Осылайша, Премьер-Лигаға жолдама алып, елдің ең мықты командалары қатарына қайта қосылды.

Заманауи стадионның салынуы Маңғыстау облысының спорттық әлеуетін арттыруға және футболды одан әрі дамытуға маңызды серпін бермек.

Дерек көзі: https://sputnik.kz