Алматыда заңсыз салынған монша кешені сүрілді

Меншік иесіне қатысты әкімшілік шаралар қабылданды және бұзушылықтарды жоюға нұсқама берілді

Жоспардан тыс жүргізілген тексеру барысында меншік иесінің еш рұқсат құжаттарынсыз, нысанды заңсыз салғаны нықталды. Меншік иесіне қатысты әкімшілік шаралар қабылданды және бұзушылықтарды жоюға нұсқама берілді.

"Алматының мамандандырылған ауданаралық экономикалық соты 2024 жылдың 22 қарашасында нысанды бұзу жөнінде шешім шығарған. Кейін ұзаққа созылған сот талқылаулары болды", - деп жазылған хабарламада.

Алматы қалалық сотының 2025 жылдың 2 маусымындағы қаулысымен нысанды бұзу жөніндегі бірінші сатыдағы шешім өзгеріссіз қалды.

Нысан бүгін сот орындаушыларының қатысуымен сүрілді

ҚазАқпарат