фото: https://pixabay.com/ru/
Үйдегілерден ерте оянған 3 жасар бала ашық тұрған қақпадан далаға шыққан
Таңғы сағат 07:10 шамасында Төлеби аудандық полиция бөліміне жергілікті тұрғын хабарласып, Леңгір қаласы көшелерінің бірінде жеңіл киінген, аяқ-киімсіз кішкентай ұл бала жүргенін айтқан.
Полиция баланың ата-анасын іздеу жұмыстарын жан-жақты жүргізді. Нәтижесінде өзінің ұлын іздеп жүрген әйел анықталып, полицияға жеткізілді.
Таңғы сағат 06:00 шамасында анасы әдеттегідей жұмысқа шығып кеткен. Үйдегілерден ерте оянған 3 жасар бала ашық тұрған қақпадан далаға шыққан. Содан анасын іздеп, шамамен 3 шақырым қашықтыққа дейін кетіп қалған.
Ал қараусыз жүрген баланы тауып алған Нұрбек Арапбаев бұл жағдайға бей-жай қарамай, бірден әрекет етіп, баланы қауіпсіз жерге жеткізеді.
Нұрбекке полиция басшысы Ғалымжан Қуашбаев алғыс хат пен естелік сыйлық табыстады.
ҚазАқпарат
Комментарии
Чтобы оставить комментарий зарегистрируйтесь или войдите
Авторизация через