Токио Олимпиадасы: тарихта  ең  қымбат  және  жанжалды  болып  қалмақ

Қазіргі жазғы Олимпиада тарихта ең қымбат және таңданарлық деп аталды. Тойдың болғанынан боладысы қызық дегендей, алдын-ала дайындық жұмыстары  жапондықтарды  біраз  әбігерге  салды.  Олимпиадалық  ойындар  басталмас  бұрын  Токио   ішінара  біраз  кикілжіңге  тап  болды.

Олимпиада ойындары коронавирустық пандемияға байланысты осы жолы  тақ жылы өтуде. Оның көрермендері мен фанаттары жоқ. Ал Токиода ойындар кезінде covid-19 ауруының рекордтық санына байланысты төтенше жағдай жарияланды. Сондай – ақ, ойындар қазіргі Олимпиада тарихының 127 жылында  алғаш рет өзгертілген жаңа ұранмен өткізілуде.

Алайда, олимпиадалық ұранға қосылған "бірге" сөзі ойындардың қазіргі жағдайларына мүлдем қарама-қайшы. Коронавирустық шектеулер тізімі бар қатысушыларға арналған арнайы кітапша 70 беттен тұрады және ондағы талап  өте қатал.

Осы олимпиаданың шарттары бойынша спортшылар мен делегация мүшелері  командасымен арнайы кездесу орындарында және жарыстан тыс жерлерде  сөйлесуі керек. Олар үнемі жаттығулар, жарыстар мен тамақтанудан бөлек жерлерде   бетперде  киюі керек.

Жүлдегерлер үшін ерекше жағдай: тұғырда ашық тұруға болады. Бірақ сонымен бірге жеңімпаздар медальдарын өздері алып, оларды мойындарына өздері  тағады. Ал жанындағы  спортшылармен кез – келген физикалық байланысуға,  қол  алысуға  және  құшақтасуға  қатаң тыйым салынады.

Байқау кезінде бақылаушыларға айқайлауға тыйым салынады: Сіз тек үнсіз қол шапалақтай аласыз – бұл вирустың таралуын азайту үшін де жасалған. Қатысушыларға  қалалық қоғамдық көлікті пайдалануға, жапон астанасының мәдени нысандарына, клубтарына, мейрамханаларына және көрікті жерлеріне баруға, сондай-ақ жергілікті тұрғындармен сөйлесуге тыйым салынады.

Спортшылар мен делегация мүшелерінің барлық қозғалысы смартфондар арқылы бақыланады. Ал маршрут  бұзылған жағдайда депортацияланады.

Алайда, барлық шектеулерге және іс-шараларға қатысушылардың үнемі тексерілуіне қарамастан, олимпиадалық ауылда жүзден астам коронавирус ауруы анықталды. Олимпиаданың ашылу қарсаңында ұйымдастырушылар жағдай нашарлаған жағдайда ойындар тоқтатылуы  мүмкін екенін атап өтті.

Ойындардың ашылуынан бірнеше күн бұрын, ашылу салтанатының директоры Кентаро Кобаяши 20 жыл бұрын Холокост туралы жасаған  комедиялық стендтің бейнесі табылып жұмыстан босатылды. Ойындардың ашылу салтанатында музыка композиторы Кейго Ойамадамен тағы бір жанжал болды. Asahi Shimbun daily газеті 1995 жылы шыққан музыканттың мүгедектігі бар сыныптастарын мазақ еткені туралы әңгімесін қайта басып шығарды. Музыкант твиттер аккаунтында өткен әрекеттері үшін кешірім сұрады. Алайда ойын ұйымдастырушылары оны отставкаға жіберді.

Наурызда Токио ойындарының шығармашылық жетекшісі Хироши Сасаки танымал суретшіге жасаған дөрекі түсініктемесі үшін отставкаға кетті. Бұған дейін, ақпан айында Токиодағы Олимпиада ойындары-2021 ұйымдастыру комитетінің басшысы 80 жастағы Есиро Мори комитет құрамына кіретін әйелдерге қатысты дау – дамайдан кейін отставкаға кетті.