Спорт

Сурдлимпиада: Қазақстан қоржынына екінші алтын медаль түсті

  Сурдлимпиада: Қазақстан қоржынына екінші алтын медаль түсті

      Бразилияда өтіп жатқан 24-ші жазғы Сурдлимпиада ойындарында грек-рим күресінен жарыстар аяқталды, деп хабарлайды Ulysmedia.kz.

     Бұл сында 130 келіде ел намысын қорғаған Хайратхаан Шонку қарсылас шақ келтірмей жеңіс тұғырынан көрінді. Отандасымыз финалдық кездесуде түрік спортшысы Мехмет Юсалды айқын басымдылықпен жеңіп, алтын медаль иегері атанды.

   Өз кезегінде  97 келіде Асылжан Тажиев Иран спортшысына есе жіберіп, жарысты күміс жүлдемен қорытындылады. Ал, Нұржан Асан (77 кг), Алдияр Балташевтар (60 кг) үшінші орын үшін болған бәсекеде қарсыластарынан басым түсіп, қос спортшымыз ел қоржынын тағы екі қоламен толықтырды.

   Сурдо грек- рим күресінен ұлттық құраманың аға бапкері Ерлан Мұқажан спортшылардың нәтижесіне көңілі толатынын жеткізді.

    «Балалар жарады. Қаншама оқу-жаттығу жиындары мен жаттығулардың арқасында осындай нәтиже көрсеттік. Бір алтын, бір күміс, екі қола- бұл біз үшін үлкен жетістік. Алдағы таңда дайындығымызды шыңдай түсіп, Келесі сурдлимпиада ойындарында бұдан да жоғары нәтиже көрсететінімізге сенімдімін», - деді аға бапкер.

   Есту мүшесі зақымданған спортшылар арасындағы төрт жылдықтың дүбірлі додасы мамырдың 16 сына дейін жалғасады. Қазіргі таңда Қазақстан құрамасының қоржынында 2 алтын, 4 күміс, 17 қола жүлде бар.

 

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру