Денсаулық

Бөлісу

Ресейдің оңтүстігінде геморрагиялық безгектің жаңа түрі анықталды

  Ресейдің оңтүстігінде геморрагиялық безгектің жаңа түрі анықталды

Ресейдің оңтүстігінде геморрагиялық безгектің жаңа түрі анықталды

Дүниежүзілік денсаулық сақтау ұйымының мәліметінше, бұл вирус адамға негізінен кене мен малдан жұғады.

Ресейлік мамандар Ресейдің оңтүстігінде Конго-Қырым геморрагиялық безгегінің жаңа штамын анықтады.

"Ресейдің оңтүстігінде Конго-Қырым геморрагиялық безгегінің жаңа желісі анықталды. Зерттеуге Сеченов университетінің (Мәскеу), "Роспотребнадзордың" Ставрополь обаға қарсы институтының (Ставрополь), Пастер атындағы эпидемиология және микробиология ғылыми-зерттеу институтының (Санкт-Петербург) және "Роспотребнадзордың" Орталық эпидемиология ғылыми-зерттеу институтының (Мәскеу) қызметкерлері қатысты", - деп жазылған хабарламада.

Баспасөз қызметінде атап өткендей, Конго-Қырым геморрагиялық безгегінің вирусы Африканың бірқатар елінде, Балқанда, Таяу Шығыста және кейбір Азия елдерінде жиі кездеседі. Сондай-ақ бұл вирус Ресейдің еуропалық бөлігінің оңтүстігінде де болады.

Дүниежүзілік денсаулық сақтау ұйымының мәліметінше, бұл вирус адамға негізінен кене мен малдан жұғады. Адамнан адамға қанмен, бөліністермен немесе басқа да биологиялық сұйықтықпен тығыз байланыс кезінде жұғуы мүмкін.

"Вирустың әр нұсқасы аурудың түрлі ауырлығын тудырады. Жүргізілген зерттеу нәтижесінде ресейлік аймақтардан алынған вирустың зерттелген штамдары "Еуропа-1" желісіне (596 үлгі), "Африка- 3" (тек бір үлгі), сондай-ақ жаңа "Еуропа-3" (алты үлгі) желісіне жататыны анықталды", - деп түсіндірді баспасөз қызметіндегілер.

Ауыл клиникалық белгілер, геморрагиялық синдром мен адам өлімінің қаупі "Еуропа-1" желісін жұқтырған жағдайда жоғары болады.

Университетте атап өткендей, генетикалық әр түрлілігі мен Ресейде географиялық таралуын бағалау үшін және оның қаншалықты қауіпті екенін білу үшін "Еуропа-3" желісін толыққанды зерттеу қажет.

Мәтіндегі ақпарат туралы

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через