Біздің өміріміз

Бөлісу

Отбасындағы мәселелер мен оны шешу жолдары

Отбасындағы мәселелер мен оны шешу жолдары

Отбасындағы мәселелер мен оны шешу жолдары

Отбасындағы жанжал – жанұя мүшелерінің белгілі бір жағдайда қарама-қарсы пікірде болып, өзара түсініспеуі. Отбасындағы әр адамның мінез-құлығының, қызығушылығының түрлі болуынан, мүдделерінің сәйкес келмеуінен проблемалар туындайды. Бұл мәселелер  дер  кезінде  шешілмесе,  жағдай  одан  әрі  ушыға  түседі.

Отбасындағы келіспеушіліктер әр түрлі болуы мүмкін. Әсіресе, ерлі-зайыптылар арасындағы және балалар мен ата-аналар жанжалы жиі кездеседі.

Ерлі-зайыптылар  арасындағы  түсініспеушілік

Ерлі-зайыптылар арасындағы даулы мәселелер, көбінесе, қажет дүниелердің  жетіспеуінен  басталады.  Сондай-ақ:

- жұбайлардың  бір-бірінің  көзқарасын  сыйламауы;

- көңіл  бөлмеу, қамқорлық  сезінбеу;

- үй  шаруашылығына  қатысты  келіспеушіліктер;

- бірге  бос  уақыт  өткізе  алмау, хоббилерінің  әртүрлілігі;

- туыстарына  деген  қарым-қатынас;

- өз  талаптарын  еркін  айта  алмау;

- сенімсіздік  пен қызғаныш – ерлі-зайыптылар арасында түсініспеушілік  пайда  болуына  себептер.

Психологтардың пікірінше, отбасындағы жанжалдар тұрмыстық мәселелерге қарағанда эмоционалды-психологиялық себептерден жиірек  туындайды.

Жалпы типология бойынша барлық отбасындағы түсініспеушіліктер конструктивті  және  деструктивті,  шынайы  және  жалған, айқын және жасырын болып бөлінеді. Сонымен қатар ерлі-зайыптылардың қарым-қатынасына бірнеше факторлар да әсер етеді. Оны төрт дағдарыс  кезеңге  бөліп  қарастырады:

Бірінші кезең отбасылық өмірдің бірінші жылымен байланысты: ерлі-зайыптылар бір-біріне бейімделу кезінде өзара түсінісе алмауы мүмкін.

Екінші кезең баланың пайда болуымен байланысты: тәрбие процесінде көзқарас пен пікірдің сан алуандығы да жанжалға негіз болады.

Үшінші кезең отбасылық жұптың бір-біріне үйренісіп, монотонды өмір сүруі барысымен байланысты болып келеді.

Ал төртінші кезең, көбінесе, 20-25 жылдық неке өмірден кейін пайда болады. Бұған қартаю және балалардың жан-жаққа кетуі, соның әсерінен ерлі-зайыптылардың өзін жалғыз сезінуі басты себеп деуге болады.

Ата-ана мен бала арасындағы жанжалдар

Отбасындағы жиі кездесетін түсініспеушілікке ата-ана мен бала арасындағы ұрыс-керіс жатады. Бұған ерлі-зайыптылар арасындағы өзара келісімнің болмауы тікелей әсер етеді. Сондай-ақ:

- балаларға қойылатын талаптардың жоғарылауы, тыйым салу және жиі жазалау;

- көңіл бөлмеу;

- олардың қызығушылығын білмеу;

- баланың шекарасынан аттау, т.б. себептер баланың ата-анаға деген ренішін туындатады. Әсіресе, жасөпірімдердің құбылмалы мінез-құлқына, әрекетіне ата-ана түсіністік танытқаны жөн. Сонымен қатар балалар да ата-анасының түрлі мәселелесін түсінбей, соңы дау-дамайға ұласып жатады.

Отбасындағы жанжалдарды шешу жолдары

Кез келген жанжалда бір ғана тарап кінәлі болмайды. Сол үшін мәселені шешуде екі жақ та жауапкершілікті өз мойнына алуға тиіс. Сонда ғана дау-дамай кезінде бір-бірін кінәламай, ой-пікірін, мінез-құлқын қабылдап, өзара түсініседі.

Сондай-ақ отбасы тәрбиесінде ата-аналар өздерінің педагогикалық мәдениетін арттыруы керек. Соның нәтижесінде олар балаларының психологиялық ерекшелігін, жасына байланысты психоэмоционалды күйін ескеруді үйренеді.

 

bugin.кз

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через