Өмір сапасының әлемдік стандарттары

Бөлісу

Отандық дрон сынақтан өтті

  Отандық дрон сынақтан өтті

     Дрондар жүк те тасымалдай алады. Олардың бар ерекшелігі – құрастыру формасында.

     Бұл тікұшақ типті ұшқышсыз басқарылатын аппараттың алғашқы сынағы. Құрастырушылардың мақсаты отандық өндірістен шыққан дронның мүмкіндіктерін көрсету. Айтуларынша, оны қазірдің өзінде жүк тасымалы үшін қолдануға болады. Темір құс 7 келіге дейін зат тасымалдай алады. Ал бүгін ұшу аппараты 700 метр биіктікке көтеріліп, Каспий теңізінің әсем көріністерін таспаға басты.

     Ардақ Бектасов, компанияның бас директоры:

     - Мәселен, теңіздегі мұнарадан жағалауға дейінгі қашықтық 15-20 шақырым. Тапсырыс беруші флеш-картаны жеткізу үшін кеме немесе тікұшақ жалдауы қажет. Әрине оның шығыны көп және көбіне қауіпсіз де емес. Ал біздің ұшқышсыз басқарылатын аппаратымыз ол жұмысты еш қиындықсыз орындай алады. Квадркоптер болса 15-20 шақырым қашықтыққа дәлме-дәл ұша алмайды.

     Құрастырушылар командасы дронды кез келген іске төзімділігі үшін зор мақтанышпен «Ілбіс» деп атайды. Оның негізгі миссиясы таулы, орманды алқап секілді адам жетуі қиын аудандарда қызмет ету.

     Ұшу аппараты үш кезеңмен құрастырылады. Алдымен суреті бейнеленіп, құрылымы егжей-тегжейлі әзірленеді. Аэродинамикалық мүмкіндіктері мен ұшу массасын да ескеру қажет. 3Д принтерде сұлбасы дайын болған соң инженер-құрастырушылар әр бөлшегін жасап шығарады.

     Виталий Гроо, бас инженер-құрастырушы:

     - Біз технологиялық процесс барысында қажетті беріктік, жеңілдік және өзге де өлшемдерді белгілеп аламыз. Кейін бұл матаны матрицаға орналастырып, арнайы шайырға малып, вакуумдаймыз. Оны бояп әрлеген соң тікұшақтың бір бөлігі дайын болады.

     Бұл дрондар минус 30-дан плюс 45 градусқа дейінгі температурада ұша алады. Компанияның өнімдері негізінен жекелеген серіктестерге бағытталады. Ұшу аппараттарын жөндеу мен техникалық қызмет көрсету бағытын да белсенді дамытуда. Осылайша ішкі нарықты сапалы өніммен қамтуды көздейді.

    Ақпарат дереккөзі
 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через