Олардың көпшілігі халықаралық стандарттарға сәйкес келмейді

Санитарлық-эпидемиологиялық сараптама зертханаларын жаңғыртуға республикалық бюджеттен 4,7 млрд теңге қарастырылған.

Қазақстан президенті Қасым-Жомарт Тоқаев 2021 жылғы 1 қыркүйектегі жолдауында еліміздегі санитарлық-эпидемиологиялық сараптаманың көптеген зертханалары халықаралық стандарттарға сәйкес келмейтінін жоғары технологиялық жабдықтармен жабдықталмағанын атап өтті.

"Көптеген медициналық зертханалар халықаралық стандарттарға сәйкес келмейді. "Дені сау ұлт" ұлттық жобасы шеңберінде кемінде 12 зертхананы жоғары технологиялық жабдықпен жарақтандырылуы керек. Бұл біздің зертханалардың халықаралық стандарттарға сәйкестік деңгейін 90% –ға дейін арттыруға  мүмкіндік  береді", - деді мемлекет басшысы.

Өз кезегінде денсаулық сақтау министрі осы Жолдауды жүзеге асыруға арналған үкімет отырысында осы мақсаттарға республикалық бюджеттен 4,7 млрд теңге қарастырылғанын мәлімдеді.

"Зертханалық  жабдықтарды жаңғырту қажетті зерттеулердің барлық спектрін орындауға, тесттерді өткізу уақытын қысқартуға, көрсетілетін қызметтердің сапасын арттыруға, сондай – ақ эпидемиологиялық тексерулерге көмек көрсетуге және індеттің алғашқы себептерін анықтауға мүмкіндік береді", - деді Цой.

Жаңғырту "дені сау ұлт" ұлттық жобасы аясында жүзеге асырылатындықтан, оны бес жыл ішінде – 2026 жылға дейін аяқтау керек.

Бұған дейін хабарланғандай, ҚР Денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің" Ұлттық сараптама орталығы " мобильді зертханаларды сатып алуға 1,4 млрд теңгеге жуық қаражат жұмсайды.

Мәтіндегі ақпарат туралы