Өмір салты

Нұр-Сұлтанда 64 адам тамақтан уланып қалды

  Нұр-Сұлтанда 64 адам тамақтан уланып қалды

Нұр-Сұлтанда 64 адам тамақтан уланып қалды

Нұр-Сұлтанда екі күннің ішінде тамақтан уланған ондаған адам ауруханаға түсті. Барлығы бір жерден тамақ ішкен болып шықты..

Санитарлық-эпидемиологиялық бақылау департаменті ұсынған ақпаратқа сәйкес, 9-10 маусым күндері бірнеше аураханадан адамдардың тамақтан уланғаны  туралы  хабар  түскен.

64 адамның барлығы бір қоғамдық тамақтану орнында болған. Сол жерде тамақ ішкеннен кейін ауырып қалғанын айтты. Департаменттің Байқоңыр аудандық басқармасы бірден полицияға ақпарат жіберді.

Соның негізінде Қылмыстық кодекстің 304-бабы бойынша сотқа дейінгі тергеу шаралары басталды.

Бұдан бөлек, санитарлар 10 маусымда қоғамдық тамақтану орнында жоспардан тыс тексерісті бастады.

Сол кезде біраз тәртіп бұзушылық анықталды.

Олар:

адамдар отыратын орындардың артық болуы;

арнайы цехтың жоқтығы, бәрін бір бөлмеде жасайды;

құрал-саймандар таңбалау талаптарының сақталмауы;

дайын өнімдер мен азық-түлікті дұрыс сақталмауы;

ұжымды тексеру журналының болмауы.

Тексеріс кезінде қажетті сынамалар алынды. Кәсіпорынның 15 қызметкері де тексерілді. Барлық сынама зертханаға жіберілді. Жоспардан тыс тексеріс жалғасып жатыр.

"Осы уақытқа дейін медициналық көмекке 64 адам жүгінді. Олардың ішінде 52-сі ауруханаға жатқызылды, тағы 12 адам үйде ем-дом алып жүр", - дейді депаратмент мамандары.

Мәтіндегі ақпарат туралы

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру