Майқайың алтын кенішінде жер астына түсіп кеткен автобусты табу үшін Балқаш қаласынан геологиялық сканерлеу құрылғысы жеткізілді.

Бүгін ойықтың ернеуіне „Богатырь Көмір“ кәсіпорнының үлкен краны орнатылды. „АК Алтыналмас“ АҚ мен Павлодар облыстық төтенше жағдай департаментінің мамандары кран көмегімен шұңқыр табанына сканерлеу құрылғысын түсірді. Геологиялық зерттеу құралы құлаған топырақ үйінділерін сканерлеп, жер астында пайда болған бос кеңістіктерді, металл мен өзге де құбылыстарды іздеп жатыр, - деп хабарлады өңірлік төтенше жағдай департемінтінің баспасөз қызметі.

Еске сала кетейік, 4 қаңтар күні «Майқайыңалтын» кен орнында үлкен ойық маңындағы топырақ опырылып, 4 адам мінген автобус жердің астына түсіп кеткен болатын.

Кейін оқиға орнынан екі адамның денесі табылды.

Baq.kz