Синоптиктер еліміз бойынша 2023 жылғы 7-9 қаңтарға арналған ауа райы болжамын ұсынды. Болжам бойынша, еліміздің барлық өңірінде күн райы құбылмалы болады.

"Қазгидромет" РМК таратқан мәліметке сүйенсек, республиканың барлық аумағында дерлік қар жауады, шығыста – қалың қар, ал оңтүстікте – жаңбыр мен қар, таулы аймақтарда қатты жауын-шашын болады.

"Республиканың барлық аумағында бұрқасын, көктайғақ болады, батыста және оңтүстікте тұман түседі. Бірақ 7 қаңтарда жауын-шашын бірте-бірте тоқтап, алдымен батыста, кейін еліміздің қалған бөлігінде  ауа температурасы күрт төмендейді деп болжанды"."Қазгидромет" РМК 

Болжам бойынша термометр бағаны:

• батыста, орталықта -20...-28°С-қа дейін;
• солтүстік-батыста, солтүстікте -25...-33°С-қа дейін;
• шығыста -5...-13°С-қа дейін;
• оңтүстікте - 0...-10°С-қа дейін төмендейді.

Дереккөз  Zakon.kz. Фото: novosti-donbassa.ru