«Мені алға сүйрейтін - жақсылыққа деген ұмтылыс. Жаным жақсылыққа құмар, соның арқасында алда келем. Істеп көрер дүниелерім әлі алда. Әрқашан жақсы нәрсені армандап, жеңіске жеткенді жақсы көремін», - дейді кардиохирург-дәрігер Алмат Қодасбаев. Алмат Тұрысбекұлы «Қазақстанның 100 жаңа есімі» тізіміне енген. Медицина ғылымдарының кандидаты,  5 мыңнан астам науқасқа ота жасаған  тәжірибелі маман. Бүгінгі таңда Алматы кардиология орталығын басқарып отыр. Еңбегімен көпке танылған маманмен медицина саласындағы өзекті мәселелерді талқылаған едік.