Денсаулық

Дәрігерлер Алматы облысы тұрғынының бауырынан 7,5 кг құрт алып шықты

  Дәрігерлер Алматы облысы тұрғынының бауырынан 7,5 кг құрт алып шықты

Дәрігерлер Алматы облысы тұрғынының бауырынан 7,5 кг құрт алып шықты

42 жастағы Алматы облысы тұрғынының бауырынан 7,5 келі эхинококк табылды. Хирургтардың айтуынша, мұндай үлкен құрттың адам организмінде болуы сирек кездеседі.

Алматыдағы №7 қалалық клиникалық аурухананың №2 хирургиялық бөлімінің меңгерушісі Мұса Сахиповтың айтуынша, әйел бауырындағы құрт туралы өзінің маусымдық аллергиясының себептерін анықтау үшін дәрігерге барған кезінде бір-ақ білген.

“Оның қазан айында аллергиясы басталған. Бұдан соң ол тұрғылықты жері бойынша терапевтке қаралған. Сол жерде ультрадыбыстық зерттеу жүргізеді. Осы УДЗ әйелдің бауырына үлкен эхинококк барын анықтаған”, – дейді дәрігер.

Бұдан кейін науқас жеке медициналық орталыққа барған. Белгілі болғандай, ондағы дәрігерлер мұндай күрделі операцияны жүргізуден бас тартады. Сөйтіп, әйелге қалалық клиникалық ауруханаға баруға кеңес беріледі. 

“26 қазанда жүргізілген операция 9 сағатқа созылды. Әйел 500 миллилитр қан жоғалтты. Біз қан құйып отырдық”, – дейді Мұса Сахипов.

Қазіргі уақытта әйел жансақтау бөлімінен қарапайым палатаға ауыстырылған.

Мәтіндегі ақпарат туралы

Достарыңызбен бөлісіңіз

Пікір қалдыру