Астана қаласының тұрғындары жұмыспен қалай қамылып жатыр, алатын жалақылары қандай екенін білу үшін Астана қаласы әкімдігінің «Халықты жұмыспен қамту орталығына» сауал жолдаған болатынбыз, деп хабарлайды.

• Астанада жұмыспен қамту мәселесі қалай шешіліп жатыр? Қандай салада мамандар жетіспейді, олардың орташа жалақысы қанша?

Астанада жұмыссыз азаматтарды жұмыспен қамту мақсатында бос жұмыс орындар жәрмеңкелері жоспарлы түрде өткізіліп тұрады.

Қазіргі таңда Астана қаласы бойынша білім саласында бала-бақшаларға тәрбиешілер, мектептерге бастауыш сынып мұғалімдері, денсаулық саласында дәрігерлер, медбикелер мен санитарлар қажет. Құрылысшы, дәнекерлеуші, сантехник, автобус және газель көліктеріне Д, С категориялы жүргізушілер, электрик маманы, тәрбие көмекшісі, еден жуушы, көгалдандыру жөніндегі жұмысшы, аула сыпырушы, ас бөлме жұмысшысы, аспазшы, монтаждаушы, көлік жөндеу мамандары жоғары сұранысқа ие. Еңбек ақы төлемі 70 000 теңгеден 300 000 теңге аралығында.

• Елордада бос орындар жәрмеңкесі қаншалықты жиі ұйымдастырылып тұрады, нәтижесі қандай?

Астана қаласы бойынша бос жұмыс орындар жәрмеңкелері жоспарлы түрде өтіп тұрады. 2023 жылға 6 жалпықалалық және 30 шағын бос жұмыс орындар жәрмеңкелері жоспарланған. Бос жұмыс орындар жәрмеңкесінің негізгі мақсаты: жұмыс іздеп жүрген азаматтарды тұрақты жұмысқа орналастыру, жұмыс беруші мен жұмыссыздың кездесуіне жағдай жасау болып табылады. Шағын бос жұмыс орындар жәрмеңкелері жұмыссыз азаматтарға, оның жастарды, бас бостандығынан айыру орындарынан босатылған адамдарды, пробация қызметінің есебінде тұрған жұмыссыз азаматтарды, мүмкіндігі шектеулі азаматтарды және алимент бойынша борышкерлерді жұмысқа орналастыруға арналады. Бүгінгі күнге 12 шағын бос жұмыс орындар жәрмеңкесі өткізілді.

• «Халықты жұмыспен қамту орталығы» жұмыссыздарды жұмыс орнында кәсіптік оқыту бойынша қабылдау жүргізіп отырады. Осының нәтижесі қандай?

Оқытуды ұйымдастыру үшін жұмыс беруші ағымдағы қаржы жылындағы 1 қарашаға дейінгі мерзімде жұмыспен қамту орталығына алдағы қаржы жылына Қағидаларға сәйкес нысан бойынша өтінім береді. Жұмыс беруші жұмыссыздың жеке оқу бағдарламасын жасайды және білікті тәлімгерді бекітіп, жұмыс орнында оқытуды жүзеге асырады. Оқуды аяқтаған жұмыссыздарға жұмыс беруші кәсіби дағдыларды меңгергені туралы сертификат береді және жұмыс орнына жұмысқа орналасуды ұсынады.

Оқу кезеңінде жұмыссызға жалақыны жұмыспен қамту орталығы төлейді. Жалақының бір айдағы мөлшері экологиялық үстемеақылар бойынша төлемдерді есепке алмағанда, салықтарды, міндетті әлеуметтік аударымдарды және пайдаланылмаған еңбек демалысына өтемақыны ескергенде 20 (жиырма) АЕК.

Орындалатын жұмыстың көлеміне және күрделілігіне қарай жұмыс беруші өз қаражаты есебінен, қажет болған жағдайда, нақты орындалған жұмыс үшін жалақыға қосымша үстеме ақы белгілейді.

Жоғарыда көрсетілген бағыт бойынша, яғни жұмыссыздарды жұмыс орнында кәсіптік оқыту, 2022-жылы 64 жұмыссыз адам жұмыс берушінің жұмыс орнында оқып, арнайы сертификаттарын алған соң, жұмысқа орналастырылды, бүгінгі күні әліде жалғастыруда. Айта кетсек, жұмыс берушілер ЖК «Ажарлы» (шаштараз), ЖШС «Bai-Tumar» (тәрибеші көмекшісі, аспаз ), ЖШС «Алтын Орда» (кондитер, аспаз ), ЖК «Hazifa» (тігінші), ЖШС «Zhanerke» оқытып, жұмысқа қабылдады.

Baq.kz