Денсаулық

Бөлісу

Алматылық дәрігерлер аяқ тамырларын емдеудің жаңа әдісін енгізуде

Алматылық дәрігерлер аяқ тамырларын емдеудің жаңа әдісін енгізуде

Интервенциялық хирургтарға арналған арнайы шеберлік сыныбы аясында №4 қалалық клиникалық аурухана дәрігерлері үндістандық доктор Гириш Мукудпен бірге аяқ-қол артерияларына бірнеше ота жасады.

Интервенциялық немесе эндоваскулярлық хирургия - рентгенэндоваскулярлық әдісті қолданатын«скальпсіз» араласудың заманауи түрі.

«Бүгін біз үш ота жасадық, оның екеуі - аяқ артерияларының ангиопластикасы. Екі науқаста да аяқтың критикалық ишемиясы анықталды. Олардың бірінің анамнезінде қант диабеті болды, аяғының бірінші башпайы кесіліп, жарасы жазылмаған. Баллондық ангиопластика нәтижесінде қан ағымы қалпына келтірілді. Болашақта осы клиника перифериялық артерияларды емдеу орталығына айналады деп үміттенемін, өйткені бізде мұндай көмекке мұқтаж қант диабетімен ауыратындар көп», - деді профессор Гириш Мукуд.

Дәрігерлер 55 жастағы диабеттік табан диагнозы қойылған науқастың қан ағымын да қалпына келтірді.

«Лимфангоит диагнозы бар науқас та болды. Ота кезінде оған аяқ артерияларының ангиографиясы жасалды, алдыңғы жіліншік және қалқан артерияларының тандемдік стенозы анықталды. Дәрі-дәрмекпен қапталған баллонды қолдану арқылы оң аяқ артерияларына баллонды ангиопластика жасалды, қан айналымы қалпына келтірілді», - дейді рентген-эндоваскулярлық хирургия және кардиология бөлімшесінің меңгерушісі Асқар Наринбаев.

Осылайша, дәрігерлер оның аяқ бәшбайын аман алып қалды.

Дереккөз ҚазАқпарат.

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через