Күннің бейнебаяны

Бөлісу

Алматы әуежайында жолаушы сөмкесіндегі зарядтау құрылғысы атылды

Алматы әуежайында жолаушы сөмкесіндегі зарядтау құрылғысы атылды

     Алматы қаласының әуежайында жолаушының рюкзагында болған зарядтау құрылғысы атылды, деп хабарлайды ҚазАқпарат ҚР Индустрия және инфрақұрылымдық даму министрлігі Азаматтық авиация комитетіне сілтеме жасап.

     

     «19 қазан күні халықаралық рейстердің ұшу залында тексеру рәсімінен өту кезінде Эйр Астана әуе компаниясының «Алматы — Бішкек» бағыты бойынша КС 109 рейсімен ұшпақ болған жолаушы Т.М.-ның портативті зарядтағышы (Power bank) өртенді», - делінген мәліметте.

     Осы орайда «Қазақстанның авиациялық әкімшілігі» АҚ Формальдылықты оңайлату департаменті қажет болған жағдайда кеңес алуға, рәсімінен өту кезінде авиакомпания мен әуежайлардың қызметкерлерін зарядтау құрылғыларының бар екендігі туралы хабардар етуге қатаң кеңес береді.

     Қауіпті жүктерді әуемен қауіпсіз тасымалдау жөніндегі ИКАО-ның DOC 9284 техникалық нұсқаулығына сәйкес, қосалқы батареялар, соның ішінде қуат көздері (Power bank) қол жүгімен тасымалдануы керек. Сондай-ақ қысқа тұйықталудың алдын алу үшін олар өзінің қаптамасына салынуы керек. Немесе әр батареяны бөлек пластик пакетке немесе қорғаныс корпусына салу қажет.

     «Егер литий батареялары (жабдықта, не жабдықпен) жүк ретінде тасымалданатын болса, онда олар ИКАО техникалық нұсқаулығының қолданыстағы редакциясына сәйкес тиісті түрде декларациялануы, таңбалануы және буып-түйілуі тиіс.

     Естеріңізге сала кетейік, ұшу қауіпсіздігі әр жолаушының жауапкершілігіне де байланысты», - деді Азаматтық авиация комитетінен.

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через