Алматы қаласында Павлодар облыстық Жүсіпбек Аймауытов атындағы қазақ музыкалық-драма театрының гастрольдік сапары өтіп жатыр. Өнер ұжымы қойылымдарын Ғабит Мүсірепов атындағы Қазақ мемлекеттік академиялық балалар мен жасөспірімдер театры сахнасында сахналап жатыр.
Гастроль аясында бүгін, сәуірдің 9-ы күні кешкі сағат 18:30-да көрермендер «Балам, қашан келесің?..» драмасын тамашалай алады. Бұл – ата-ана мен бала арасындағы сағыныш пен тағдырлы байланыс жайлы жүрекке әсерлі қойылым.
Ал ертең, сәуірдің 10-ы күні балалар мен ересектерге арналған «Джудит жасаған қиын таңдау» спектакль-шоуы үш уақытқа жоспарланған: сағат 10:00, 14:00 және 18:30-да. Ерекше форматтағы бұл қойылым көрерменге тың әсер мен жарқын эмоция сыйламақ.
Павлодарлық театрдың Алматыдағы гастролі – қала тұрғындары мен қонақтары үшін үлкен мәдени тарту. Аймауытов театрының шебер әртістері мен мазмұнды қойылымдары көрерменді терең ойға жетелеп, рухани әсерге бөлеп жатыр.