Сүйінші! Михаил Шайдоров Қазақстанға алтын сыйлады

Қазақстандық мәнерлеп сырғанаушы Михаил Шайдоров 2026 жылғы Италияда өткен Қысқы Олимпиада ойындарында алтын медаль жеңіп алды. Жеңістен кейін спортшы бұл марапатқа жету жолы оңай болмағанын айтты. Бұл туралы "Сапалы Қазақстан" порталы Zakon.kz-ке сільеме жасап хабарлайды. 

Бұл – Қазақстанның мәнерлеп сырғанаудан алған алғашқы Олимпиада алтыны. Бұған дейінгі үздік нәтиже 2014 жылы Денис Тен иеленген қола жүлде болатын.

"Шынымды айтсам, әлі де сене алар емеспін. Бүкіл маусым бойы өз-өзіммен күрестім. Бұл мен үшін ең ауыр маусымдардың бірі болды. Жарыстарда шамамен үш рет бес төрттік секіруді орындауға тырыстым. Бірде-бірі сәтті шықпады. Бірақ бүгін бәрі жүзеге асты. Бүгін қолымнан келді.

Мен бұл Олимпиадаға ұзақ дайындалдым. Маусым бойы тек өз жұмысымды атқарғым келді. Енді бәрі нәтижесін берді. Бұл медальді бүкіл Қазақстанға арнағым келеді.

Олимпиада ойындары жүйкеге өте көп салмақ түсіретін жарыс, деп атап өтті Олимпиада чемпионы.

Шынымды айтсам, басқа спортшылар үшін де қатты алаңдадым. Олимпиада – өте жүйкеге салмақ түсіретін жарыс. Эмоциямды жеңу бұйырды, ал кейбіреулерге қиын болды. Бағалар жария болғанда, аралық үшінші орында тұрғаныма сене алмадым. Ал бірінші орын алғанымды түсінгенде мүлдем...

Қолдау керемет болды. Әлеуметтік желіге кіру мүмкін емес еді. Трибуналардағы жанкүйерлер ерекше қолдады. Бәрі бір фильм секілді өтті. Әлі не болып жатқанын толық түсіне алмай тұрмын, деді Шайдоров.

Михаил Шайдоров өз елімізде алдағы уақытта мәнерлеп сырғанаудың дамығанын қалайтынын айтты. 

Бұл медаль мен үшін де, еліміз үшін де үлкен мәнге ие. Қазақстанда мәнерлеп сырғанаудың дамығанын қалаймын. Сол үшін бар күшімді саламын. Жағдай жасалады деп үміттенемін.

Менің медалім Денис Тен үшін де маңызды болар еді деп ойлаймын. Ол бізге жол ашты. Оның жолы да, менің жолым да оңай болған жоқ. Қазақстан спорты үшін жасаған еңбегі үшін Дениске алғыс айтқым келеді.

Олимпиадада әлі өнер көрсетіп жатқан спортшыларымызға сәттілік тілеймін. Оларға жанкүйер боламын. Мүмкіндік болса, барлық жарысқа баруға тырысамын", – деді чемпион.

Айта кетейік, Қазақстан Қысқы Олимпиада ойындарына тәуелсіз ел ретінде қатысқан тарихында екінші алтын медалін жеңіп алды. Бұған дейін 1994 жылы Владимир Смирнов шаңғы жарысынан Олимпиада чемпионы атанған еді.

Қазақстан Италиядағы Олимпиада ойындарының медаль кестесінде 15-орынға көтерілді.