Жүргізуші куәлігін онлайн беру жоспарланып отыр

Жүргізуші куәлігін беру және ауыстыру қызметі онлайн форматқа көшірілуі мүмкін, деп хабарлайды «Сапалы Қазақстан» порталы.

 «Ашық НҚА» порталы Цифрлық даму, инновациялар және аэроғарыш өнеркәсібі министрлігі мен Ішкі істер министрлігінің ең танымал мемлекеттік қызметтердің бірі — жүргізуші куәлігін беру және ауыстыруды онлайн форматқа көшіру бойынша пилоттық жобаны талқылап жатыр, деп жазады digitalbusiness.kz.

 Не өзгереді

• Жүргізуші куәлігін алуға өтінішті алғаш рет ХҚО мобильді қосымшасы арқылы беруге болады.

 • Жүргізуші куәлігін ауыстыру тек eGov.kz порталы және eGov Mobile қосымшасы арқылы онлайн режимінде болады.

 • Қызметтер ақпараттық қауіпсіздік пен жеке деректерді қорғау талаптарымен бірге жүреді.

 Бұл не үшін қажет?

«Ашық НҚА» порталында айтылғандай, бастама мемлекеттік қызметтердің тиімділігін арттыруға, құжат айналымы мен кезектерді азайтуға, азаматтар мен мемлекет арасындағы ыңғайлы цифрлық өзара әрекеттесуге көшуге бағытталған.

 Жоба мерзімі

Пилоттық жоба 2026 жылдың 30 маусымына дейін жұмыс істеуге есептелген. Құжат қоғамдық талқылау үшін 2025 жылдың 30 шілдесіне дейін «Ашық НҚА» порталында жарияланды.