Кене энцефалиті: қалай сақтану керек

Кенелер үнемі аурудың тасымалдаушысы бола бермейді. Көп жағдайда олардың шағуы зиянсыз, бірақ кейбіреулері әртүрлі ауруларды, соның ішінде кене энцефалитін тасымалдауы мүмкін, деп хабарлайды kaz.inform.kz.

Кене энцефалиті келесідей беріледі:

- вирус жұқтырған иксод кенесі жабысқан кезде;
- кенелердің жаппай шабуылы кезінде ешкі, қой, сиырдың шикі сүтінде сирек жағдайда вирус болуы мүмкін;
- кенені жаншығанда немесе шаққан жерін қасығанда.

Кене энцефалиті ауруының белгілері: жалпы әлсіздік, бастың ауруы, жүректің айнуы, құсу, тәбеттің төмендеуі, дене температурасының жоғарылауы, кене шаққан жерде гиперемия.

Фото: pexels.com.

Кене энцефалитінің профилактикасы:

Табиғатта демалу кезінде, саяжайда мыналар қажет:

- ұзын жеңді жейде киіп, оны шалбарға, ал шалбарды шұлыққа салыңыз. Бас пен мойынды орамалмен, капюшонмен жабыңыз;
- киім мен денеңізді тексеріп тұрыңыз;
- дененің ашық жерлері мен киімдерді репелленттермен өңдеңіз;
- кене шағып алған жағдайда медициналық ұйымға жүгініңіз.
- медициналық көмекке жүгіну мүмкіндігі болмаған кезде кенені өзіңіз алып тастаңыз (кенеге бір тамшы май тамызып, пинцетпен немесе жіппен қозғап, біртіндеп алыңыз;

Егер тұмсығы теріде қалса, оны тікен сияқты алып тастаңыз, шаққан жерге йод жағып, қолыңызды мұқият жуыңыз.