фото: ҚР Денсаулық сақтау министрлігі баспасөз-қызметі
Балаға қаңғыбас ит тап беріп, содан жүрегі жарылған деген ақпаратты мектеп мұғалімі айтқан
Ақтөбеде 28 ақпанда көз жұмған бірінші сынып оқушысын ит қауып алған деген жалған ақпарат тарап жатыр.
Трагедияның қалай болғанын Ақтөбе облысы білім басқармасының басшысы Бұлбұл Күзембаева айтып берді.
"Жеті жасар оқушы анасы мен әпкесімен бірге таңертең мектепке жиналған. Ол аулаға сәл ертерек шығып, кенеттен есінен танып құлаған. Туыстары "жедел жәрдем" шақырған", - дейді ол.
Бала клиникалық өлім жағдайында ауруханаға жатқызылған. Өкінішке қарай, реанимациялық шаралар еш нәтиже бермей, оқушы қайтыс болады.
Балаға қаңғыбас ит тап беріп, содан жүрегі жарылған деген ақпаратты мектеп мұғалімі айтқан. Білім басқармасының мәліметінше, мұғалім оқиғаның мән-жайын білмеген.
Оқушының қайтыс болуы туралы іс әлі жабылған жоқ: полиция сыртқы бақылау бейнекамераларындағы жазбаларды зерттеп, сот-медициналық сараптаманың нәтижесін күтіп отыр.
ҚазАқпарат
Пікірлер
Комментарий қалдыру үшін порталға тіркеліңіз немесе кіріңіз
Авторизация через