Жаңа сервис жолаушылар пойызының қай жерде келе жатқанын көрсетеді

Көлік құралдарын бақылау жүйесі қазіргі уақытта қозғалыс түріне қарамастан барлық көліктер үшін өзекті екені белгілі.  Сондықтан теміржол көлігіндегі жоғары сапалы GPS-бақылау кез келген автомобиль көлігі сияқты кәсіпорындар үшін де маңызды болып отыр, деп жазды "Сапалы Қазақстан" порталы.

Теміржол көлігін бақылаудың спутниктік жүйесі теміржолда тәулік бойы GPS мониторингін қамтамасыз етеді, бұл тасымалдау қауіпсіздігі деңгейін арттыруға, жүктердің сақталуына жоғары сапалы бақылауды жүзеге асыруға, жанар-жағармай мен тепловоздарды мақсатсыз пайдалануды болдырмауға, тіпті көптеген бұзылулардың алдын алуға мүмкіндік береді.

Жаңа сервистің арқасында енді жолаушылар пойыздардың қай жерде келе жатқанын біле алатын болды

Пойыздарға орнатылған GPS-трекерлер деректерді автоматты түрде өңдеп отырады.

«Пойыздар кестесінің онлайн тақтасы" жолаушыларға пойыз қозғалысын нақты уақыт режимінде бақылауға мүмкіндік береді, мұнда пойыз картада қызыл түспен көрсетіледі, таңдалған станцияға келу және кету кестесін тексеру, пойыздар кестесіндегі ықтимал өзгерістерді бақылау, сондай-ақ станциялар тізімін, тоқтау уақытын және соңғы станцияға келудің болжамды уақытын көруге болады», - деп хабарлады «Жолаушылар тасымалы» АҚ.

Сурет: «Жолаушылар тасымалы» АҚ

Жолаушыларға арналған «Пойыз қозғалысының онлайн тақтасы» қолданысқа енгізілді.  Бұл туралы “Қазақстан темір жолы” компаниясының баспасөз қызметі мәлімдеді.

«Жолаушылар тасымалы» АҚ жолаушыларға арналған «Пойыз қозғалысының онлайн тақтасы» атты жаңа цифрлық сервисті қолданысқа енгізді. Енді жолаушылар нақты уақыт режимінде пойыздардың келу және кету уақытын бақылап, қозғалыс кестесіндегі өзгерістер туралы жедел ақпарат ала алады”, – делінген хабарламада.

Аталған қызмет жолаушылар пойыздарының қозғалысын тәулік бойы бақылап, мониторинг жүргізеді. Пойыздарға орнатылған GPS-трекерлер деректерді автоматты түрде орталыққа жіберіп, пойыздардың орналасқан жерін дәл анықтауға және қозғалыс кестесін жедел жаңартуға мүмкіндік береді. 

Жаңа қызметті қалай пайдалану керек

Пойыз қозғалысы туралы ақпаратты алу үшін келесі шарттарды орындау керек:

1. https://bilet.railways.kz сайтына өтіңіз.

2. «Онлайн пойыз кестесі» баннерін басыңыз.

3. Картадан қажетті пойызды таңдаңыз.

4. Бұл қызметті https://tablo-railways.kz/ru/ сайтында да пайдалануға болады.

Жаңа сервис жолаушыларға  “Қазақстан темір жолы” компаниясының bilet.railways.kz. ресми сайтында қолжетімді.