фото: pexels.com
Starbucks компаниясының бас директоры Брайан Никол дүйсенбі күні компанияның 1100 қызметкерін қысқарту туралы мәлімдеді, деп хабарлайды CNBC.
Бұл өзгерістер компанияның кафе желісіндегі қызметкерлерге әсер етпейді. Оның айтуынша, аталған шараның басты мақсаты – компания жұмысын жеңілдетіп, соңғы төрт тоқсан бойы сатылымы төмендеген бизнесті қайта жандандыру.
2024 жылдың қыркүйегіндегі мәліметтер бойынша, Starbucks-та 361 мың қызметкер жұмыс істейді, оның 16 мыңы әкімшілік және қолдау көрсету бөлімдерінде қызмет етіп жатыр.
Компания есебіне сәйкес, соңғы тоқсанда әлемдегі барлық Starbucks филиалдарының сатылымы 4%-ға төмендеп, бұл жалпы пайдаға да кері әсерін тигізді.
Еске сала кетейік, бұдан бұрын Amazon мен Starbucks қызметкерлері АҚШ-тың әртүрлі қалаларында кәсіподақтарды мойындауды, жалақыны көтеруді, жеңілдіктерді және жұмыс жағдайын жақсартуды талап етіп, ереуілге шыққанын жазған болатынбыз.
ҚазАқпарат
Пікірлер
Комментарий қалдыру үшін порталға тіркеліңіз немесе кіріңіз
Авторизация через