«Пәкістан мәдениеті мен әдебиеті» атты кітап көрмесі ашылды

       Әлем әдебиеті залында Пәкістанның бай әдеби-мәдени мұрасы мен дәстүрлеріне арналған «Пәкістан мәдениеті мен әдебиеті» атты кітап көрмесі ашылды.

Әлем әдебиеті залында Пәкістанның бай әдеби-мәдени мұрасы мен дәстүрлеріне арналған «Пәкістан мәдениеті мен әдебиеті» атты кітап көрмесі ашылды. Көрме елдің тарихына, оның қазіргі мәдени бейнесіне арналған көрнекті туындылармен таныстырады. Пәкістанның мәдениеті мен саясатына зор ықпал еткен ұлы философ, ақын және қоғам қайраткері Мұхаммед Икбалдың еңбектері көрмеде ерекше орын алады.

Көрме поэзия мен философиядан бастап тарих пен әлеуметтануға дейінгі әртүрлі салаларды қамтып, оқырмандарға Пәкістанның мәдени әлемімен танысудың бірегей мүмкіндігін ұсынады. Кітаптардың ішінде мәдениет тарихын да, бүгінгі күннің өзекті мәселелерін де түсінуге мүмкіндік беретін классикалық шығармалар мен заманауи зерттеулерді табуға болады. Көрмеде энциклопедиялар, альбомдар, кітаптар, монографиялар мен көркем әдебиеттер секілді әртүрлі басылымдар (барлығы 145 дана) ұсынылған. 

Көрмеге келушілер Пәкістан әдебиеті классиктерінің шығармаларымен, сондай-ақ ел өмірінің мәдени және әлеуметтік аспектілеріне қатысты зерттеу және талдау еңбектерімен таныса алады.

Қазақстан Республикасының Ұлттық Кiтапханасы Пәкістан әдебиеті әлеміне енуге және осы таңғажайып елдің тарихы мен мәдениетіне жаңа көзқараспен қарауға шақырады.

ulttykkitapkhana@mail.ru