18-ші қабаттан құлаған ер адам аман қалды. Бұл мүмкін бе?

Негізі адамдар 15-18 метрден құласа ажал құшуы мүмкін.  Ал бұдан 10 немесе 100 есе биіктен құлағандар туралы не айтуға болады? Мұндай биіктіктен құлап аман қалғандар бар ма? Нанасыз ба, періштесі қаққан адамдар бар екен, деп хабарлайды "Сапалы Қазақстан" порталы. 

Көптеген адамдар сәттіліктің арқасында аман қалған. Ондайларды қазақтар "д"м-тұзы таусылмаған екен", "көретін жарығы бар екен" дейді.  Жақында ғана көрші елде болған осындай оқыс оқиға дәрігерлерді де,  көпшілікті де таңқалдырды. 

Ресейдің Владимир қаласында 27 жастағы ер адам 18-ші қабаттан секіргенен кейін тірі қалды. Ол аулаға тұраққа қойылған көліктің үстіне түскен,

Адам айтса нанғысыз оқиға туралы Владимир қаласының іздестіру-құтқару жасағының баспасөз қызметі мәлімдегенін Zakon.kz жазды. Соққыдан машинаның әйнегі сынған ал жәбірленушінің өзі салонға түскен.

"Мұндай "биіктіктен" аман қалу – бұл таңғажайып", – деді құтқарушылар.

Олар ер адамды тез арада көліктен шығарып, дәрігерлерге тапсырды. Ол қазір ауруханада жатыр.

Осы күні ер адам таныстарына қонаққа барған. Алдын ала мәліметтер бойынша, жәбірленуші есірткіге мас күйде болуы мүмкін.