Бристоль университетінің ғалымдары 250 миллион жылдан кейін барлық құрлық біртұтас суперконтинентке біріктірілетінін анықтады. 

Жер бетінің тек 8-16%-ы сүтқоректілердің өмір сүруіне жарамды болады. Зерттеу нәтижелері Nature Geoscience журналында жарияланған, - деп хабарлайды massaget.kz. .

Планетаның климаты айтарлықтай өзгерістерге ұшырайды. Континенттердің бірігуі сүтқоректілердің, соның ішінде адамдардың өмір сүруіне өте қиын жағдай жасайды.

Фото pixabay.com

Аптап ыстық

Біртұтас континенттің негізгі бөлігі 40-50 градус Цельсий диапазонындағы температурамен сипатталады, ал кейбір аймақтарда ол 70 градусқа жетеді. Бұл континенттердің мұхиттардан алыс шоғырлануына байланысты. Сонымен қатар күн белсенділігі 2,5%-ға артады, бұл "қызуды" арттырады. Вулкандық белсенділік те артады, бұл атмосферадағы көмірқышқыл газы деңгейінің жоғарылауына әкеледі.

Жер бетінің тек 8-16%-ы сүтқоректілердің өмір сүруіне қолайлы болады. Ішкі аймақтарда температурасы өте жоғары құрғақ шөл далалар пайда болады.

Адамзат болашағы

Зерттеушілер адамзат жаңа жағдайларға бейімделуге немесе планетамыздан тыс жаңа мекен іздеуге мәжбүр болуы мүмкін екенін болжады.