2024 жылғы 20-22 тамыз аралығында Тәжікстанда еліміздің мәдениет күндері өтеді.

Мәдениет күндері аясында бірқатар ірі іс-шара ұйымдастыру жоспарланып отыр, деп мәлімдеді Мәдениет және ақпарат министрлігі.

2024 жылғы 20 тамызда Душанбе қаласындағы «Ватан» кинотеатрында қазақстандық кино күндерінің ашылуы өтеді.  22 тамыз күні сағат 19:00-де «Кохи Борбад» мемлекеттік кешенінде еліміздің өнер шеберлерінің қатысуымен гала-концерт ұйымдастырылады. Оған Қазақстанның халық әртістері мен еңбек сіңірген қайраткерлері, сондай-ақ халықаралық конкурс лауреаттары қатысады, – деп қосты ведомство.

Сонымен қатар, гала-концерт басталмас бұрын «Кохи Борбад» мемлекеттік кешені фойесінде Ұлттық музей қорынан «Қазақ халқының қолданбалы-сәндік өнері» атты көрмесі ұсынылады. Көрменің негізін XVIII-XX ғасырлардағы қолданбалы өнердің бірегей заттары құрайды.

https://halyq-uni.kz/