Қоғамдық саясат институты сауалнамасына жауап берген қазақстандықтардың 52,7 пайызы құтылғысы келетін жаман әдеттердің бар екенін мойындады, деп жазды kaz.inform.kz.

​Ең қызығы не? Жаман әдетін атап өткендердің ішінде ең көп тарағаны мыналар:

• Интернетті шамадан тыс көп пайдалану — 25,2%
• Фаст-фуд жеу — 22,9%
• Энергетик ішу — 20,5%
• Әлеуметтік желілер — 19,2%
• Керексіз шоппинг — 18,5%

Statista агенттігінің дерегінше, әлемде адамдар күніне орта есеппен 6 жарым сағатын интернетте өткізеді, ал қазақстандықтар желіде күніне үш сағат отырады. 

Темекі шегу — әлі күнге дейін ең дәстүрлі жаман әдет саналады, адамдардың 23,9 пайызы темекіні тастағысы келеді. 

8,3 пайызы алкогольге тәуелділіктен құтылуға асық. 

Қазақстан ДДҰ-ның темекіге қарсы күрес конвенциясына қол қойған ел ретінде жыл сайын темекі өнімдерін сатуға және жарнамалауға шектеу енгізеді. Соңғы шаралардың бірі — вейп  әкелуге, сатуға және таратуға тыйым салатын заң. 

Кім жаман әдеттерге бейім?

• Қала тұрғындары (55,8%) және табысы жоғары адамдар (67,5%).
• 25-35 жас тобы (60,8%) аға буынға (32,6%) қарағанда жаман әдеттерге жиі ұшырайды.
• Некедегі адамдардың (50,1%) ажырасқандармен (70,8%) салыстырғанда жаман әдеттері аз болады.

Қызықты фактілер:

— Ер адамдар темекіні тастағысы келеді (37,7%) және энергетиктен бас тартқысы келеді (22,6%).
— Әйелдер фаст-фудтан бас тартуға (27,7%) және интернет пайдалану уақытын қысқартуға (27,6%) ұмтылады.

Өмір сапасын жақсарту үшін жаман әдеттердің теріс әсерін мойындау және өзгерістерге ұмтылу маңызды.  

Зерттеу 2024 жылдың шілдесінде жүргізілді. Сауалнамаға 18 жастан асқан 2000 қазақстандық қатысты.