Астана қаласында өтетін шахматтан командалық чемпионаттың ашылуы алдында маңызды іс-шара – Халықаралық шахмат федерациясының (ФИДЕ) 100 жылдығына арналған Будапешт қаласында ұйымдастырылатын 45-ші Шахмат олимпиадасының салтанатты алау эстафетасын жағу рәсімі өтті.

Қазақстанға Олимпиада алауы ФИДЕ ұйымының отаны, қазір XXXIII Жазғы Олимпиада ойындары өтіп жатқан Парижден келді. Салтанатты эстафетаны ҚР премьер-министрі Олжас Бектеновке ФИДЕ президенті Аркадий Дворкович табыстады.  

Фото: Виктор Федюнин/Kazinform

«Олимпиада алауының Астана қаласында жағылуы – қазақстандықтар үшін зор мақтаныш. Осындай жоғары деңгейлі іс-шара өткізу Қазақстандағы шахмат спортының одан әрі дамуына елеулі үлес қосады деп сенемін», — деді Олжас Бектенов.

Эстафетаның құрметті алау ұстаушылары қатарында KazChess президенті Тимур Турлов, шахматтан әлем чемпионы (20 жасқа дейінгілер арасында) Қазыбек Нөгербек, блиц бойынша екі дүркін әлем чемпионы Бибісара Асаубаева, классикалық шахматтан қазіргі әлем чемпионы Дин Лижэнь басқа да атақты қазақстандық және шетелдік шахматшылар, мәдениет қайраткерлері мен беделді тұлғалар болды. 

Фото: Виктор Федюнин/KazinformФото: Виктор Федюнин/Kazinform

Ал шахмат олимпиадасының алауын жағу құрметі көп дүркін әлем чемпионы қытайлық шахматшы Хоу Ифаньге тапсырылды. 

Фото: Виктор Федюнин/KazinformФото: Виктор Федюнин/KazinformФото: Виктор Федюнин/KazinformФото: Виктор Федюнин/KazinformФото: Виктор Федюнин/Kazinform