Кене уынан 1 адам қайтыс болды
![Кене уынан 1 адам қайтыс болды](/storage/articles/0YJEeCzcozJQbGe2BYawPXpKfXkBHWWLFV2uigWU.webp)
фото: pixabay.com
Шымкентте үш адам конго-қырым геморрагиялық қызбасын жұқтырған. Оның біреуі көз жұмды. Кене шаққан тағы бір адамның қанына қажетті талдау жүргізіліп жатыр, деп жазды kaz.inform.kz.
Дәрігерлердің айтуынша, кене шаққан 3 адам ауруханаға жатқызылған. Екеуі қалалық жұқпалы аурулар ауруханасында ем алып, үйіне шығарылған. Ал үшінші науқас Түркістан облысы Сайрам ауданынан жеткізілген. 61 жастағы ер адам үш күн жансақтау бөлімінде жатыпты. Ақ халаттылар қажетті ем-домның барлығын жасағанымен, науқасты аман алып қалу мүмкін болмаған. Ер кісі ауруханада көз жұмды.
Мамандар кене шаққан кезде оны қолмен жұлып тастауға немесе өзге адамға қолмен алдыруға болмайды деп отыр.
Ондай кезде дәрігерге қаралап, маманның қадағалауымен алынуы керек.
Пікірлер
Комментарий қалдыру үшін порталға тіркеліңіз немесе кіріңіз
Авторизация через