Мектепті аяқтаған бітіруші сыныптар жеңіл макияж жасап, өзінің бітіруші түлек екендігін сезінетін кезең келді. Бұндай жеңіл макияж түлектің келбетін толықтырады. 

     Тренд - бұл екпінді макет және нәзік нұсқалар. Макияж шеберлері бітіру кешіне арналған макияж трендтері туралы кеңестерімен бөліседі. Монохромды макияж қабақ бояуы, қызару және ерін далабының әртүрлі реңктерін араластыру және сәйкестендіру оңай емес, әсіресе осындай айтулы шара кезінде. Егер сіз тәуекелге барғыңыз келмесе, монохроматикалық көріністі таңдаңыз. Мұндай макияж бір түсті немесе белгілі бір түс схемасының бірнеше реңктерін қажет етеді. 

     Біртұтас көрініс үшін сұлулық өнімдерінің табиғи реңктерін пайдаланыңыз. 

     Мысалы: бозғылт қызғылт, шабдалы, қызыл немесе жидек реңктері, қоңыр, қола немесе алтын. Сонымен қатар, теріге біркелкі реңк пен көлем беру үшін жиынтық қажет. Бұл косметикалық жиынтыққа жасырғыш, түзеткіш, тоналды крем, жарықтандырғыш кіреді. 

     Монохромды МАКИЯЖ 

     Монохромды макияж үйлесімді, табиғи және өте әдемі көрінеді. Ол бітіру кешіндегі кез-келген көріністі толықтырады. Әлбетте оқушы қыздар үшін нәзік реңктер қай жағынан алып қарасаңыз да әдемі. 

     Нәзік реңктер романтикалық көйлектермен тамаша үйлеседі, қою, анық түстер белдемше немесе шалбармен лаконикалық костюмдерді үйлесімді түрде толықтырады. Көз айқындағышы (контур) мен қызғылт түсті көз бояуы бар макияж көзге және тұтас келбетке баса назар аударатын нәзіктікті көрсетеді. Оның ерекшелігі қара қарындашпен айқындалған көз. Себебі макияждағы бұл әдіс көзге айқын ұзартылған пішін береді және көріністі мәнерлі етеді. Жоғарғы қабақтағы нәзік жарқыл мен ашық түсті көз бояуы үйлесімді. 

фото: mykaleidoscope.ru 

Жұмсақ қызғылт түсті көз бояуы 

     Атақты макияж шебері Мелисса Мердик бет сүйектеріне, яғни бет алмасынан (щек) бүкіл жақ аймағына қызғылт түсті румянаны қолдануды ұсынады. Бұл әдіс бетке қуыршақ көрінісін қосады және теріні жандандырады. 

Ерінге аздап жылтыр көрініс беретін табиғи түс 

     Мұндай макияж өте нәзік әрі балғындық сыйлайды. Ол қарапайым немесе асимметриялық кескіні бар ұзын көйлекпен керемет көрініс береді. Сұлулығыңызды толықтырады. 

«Жалаңаш макияж» 

     Егер сіз табиғи макияж нұсқасын іздесеңіз, «жалаңаш», яғни түссіз, мөлдір, бейтарап реңктерді қолданыңыз. Бұл келбетіңізді табиғи көріністен айнытпайды. Классикалық макияж кез келген көйлекпен, тіпті қарапайым киіммен де өте сәнді көрінеді. Сонымен қатар, мұндай макияж күндізгі жарықта, кешкі шамдарда және фотосуреттерде тиімді. Ерніңізге, бетіңізге және көзіңізге түссіз, аса білінбейтін тондарды ұстаныңыз немесе одан да жарқын нәрсе алғыңыз келсе, латте стиліндегі макияжды қолданып көріңіз. Аздап жарқырау үшін бет сүйектерінің аймағына, қастарыңыздың астына және мұрныңыздың ұшына жылы реңкті жарықтандырғышты жағыңыз. 

Бұл жасөспірім қыздар үшін ең керемет макияж түрі. 

     Бітіру кештеріне арналған макияжға бейтарап немесе металл жылтырлығы бар мөлдір қабақ бояуын қолдануға кеңес береді. Біртұтас көрініс жасау үшін мыналарды пайдаланыңыз:

 *біркелкі тері реңіне арналған жеңіл тоналды крем;

 *көзді ашық ету үшін көлемді тушь;

 *ерінді көлемді және балғын етіп көрсету үшін қызғылт немесе жидек реңкіндегі ерін далабы.

 Қасыңызды ұмыт қалдырмаңыз 

     Жақсы күтім жасау үшін қастарыңызға назар аударуды ұмытпаңыз. 

     Жарқын түсті макияж таңертең де, кешке де керемет көрінеді. 

Smoky ice макияжы 

     Smoky ice макияжы (қуыршақ макияжы). Нәзік реңктердегі қуыршақ макияжы мерекелік іс-шараның трендті нұсқасы болып табылады. Макияж жасау маманы Кейси Спикард жылы мезгілде жылтыр, тері түсінен аса алшақ емес, ашық көз бояуы сәнге айналды деп мәлімдейді. Мұндай макияж минималистік, романтикалық немесе балеткорлық көрініске жетелейді. Біркелкі көрініс үшін мөлдір ұнтақты немесе жеңіл тоналды кремді қолданыңыз. 

     * Інжу жарықтандырғышты беттің шығыңқы нүктелеріне жағу арқылы көлем қосыңыз.

     * Көзді тереңдету үшін көк, күміс сұр, бозғылт жасыл немесе қызғылт түстердің салқын реңктерін қолданыңыз. 

     * Ерін далабы үшін нәзік шабдалы, қызғылт немесе жидек реңктерін таңдаңыз. Ерін далабының жарқын түсті болуы тек көзге ғана емес, тұтас макияжға да назар аудара алады. 

     Ең сәнді түстер ашық қызыл, шарап түсті, маржан түсті, қызғылт сары, таңқурай түстес. Бұл түстердің бірін таңдасаңыз, батыл көрінеді, сенімділік береді. Көз макияжында жеңіл бейтарап реңктерді қолданыңыз, оларды көлемді тушьпен толықтырыңыз. Ұзын, қысқа көйлек, қатаң шалбар костюмі немесе сарафан — макияждың айшықты көрінісіне үлес қоса алады. 

     Дұрыс таңдалған макияж ерекше көңіл-күй қалыптастырады және өзіне деген сенімділікті арттырады. Жаңа маусымда романтикалық көрініс үшін монохроматикалық немесе нәзік макияжды қолданып көріңіз. Егер сіз ерекшеленгіңіз келсе, жарқын ерін далабын, қара түсті көз контурын және жарқыраған көз бояуын (тень) қолданыңыз. Дайындаған: Г.Жұмаділдаева.

     https://ernur.kz/