Аустралиялық ғалымдар физикалық белсенділік мидағы Т-клеткалардың артық мөлшерін азайтатынын анықтады, бұл жас ұлғайған сайын когнитивті бұзылыстарға әкелуі мүмкін.

Сарапшылардың пікірінше, жүйелі жаттығулар жады мен оқу қабілетін жақсартып, жаңа нейрондарды жасауға көмектеседі.

Жасы ұлғайса да физикалық белсенділікті жалғастырған және есте сақтау проблемасы жоқ адамдардың ұзақ мерзімді бақылауы ғалымдар тұжырымын растайды.

Ұлттық спорттық медицина және оңалту орталығының невропатологы Сардор Хакимов пікір білдірді.

- Дене белсенділігі мидың функционалды қабілеті мен мүмкіндіктеріне тікелей әсер етеді. Физикалық жаттығулардан кейін ми тіні нығайып, қан айналымы мен миға оттегі ағыны жақсарады, сонымен қатар тіндердің трофизмі де күшейеді. Қанның қасиеттері өнімдірек болады, бұл мидың да, бүкіл дененің де жалпы жағдайына әсер етеді. Бұл тамырлардың тарылуына және кейіннен есте сақтау қабілетінің бұзылуына әкелетін артериялардың атеросклерозының қаупін азайтуға көмектеседі. Инсульт алу ықтималдығы да төмендейді, - дейді Хакимов.

Дәрігердің айтуынша, егде жастағы адамдарға спорттық үйірмелерге барудың қажеті жоқ.

- Әр адам бірте-бірте арттыра отырып, қарапайым дене жаттығуларын өзі таңдай алады. Одан кейін рух пен тәннің жайлылығы, жадының тазалығына көңіл бөлу керек», - деп түсіндірді маман.

Дереккөз kaz.inform.kz