Дубай әуежайын су басты: Алматы мен Астанаға ұшатын рейстер тоқтатылды

Дубайды су басқандықтан, Қазақстанға баратын рейстер кейінге шегерілді.

"Air Astana" әуекомпаниясының баспасөз қызметі нөсер жаңбыр салдарынан Дубайдағы аэродромды су басып кеткендіктен, 16 сәуірдегі KC206 Дубай-Астана және KC898 Дубай-Алматы рейстері 17 сәуірге ауыстырылғанын ескертті.

Әуекомпания жолаушыларды қонақүйге жеткізу және тамақтандыру үшін барлық шараларды қабылдап жатқанын мәлімдеді.

ҚазАқпарат