Қазақстанда 1-санатқа жататын 6 мың шақырым жол салынуы қажет
Ішкі істер министрі Ержан Сәденов жол апаты жиі болатын жолдардың тізімін жариялады.
Ресми мәліметке сәйкес, бүгінде адам өлімінің тең жартысы республикалық маңызы бар жолдарда тіркеледі.
Адам өлімі ең көп тіркелген жол учаскелері:
Алматы – Ташкентт (60 адам);
Алматы – Бішкек (33 адам);
Алматы – Өскемен (12 адам);
Алматы – Көкпекті – Көктал (17 адам);
Шымкент – Самара (19 адам);
Ақтөбе – Атырау (14 адам).
Министрдің айтуынша, заманауи талаптарға жолдардың 16 пайызы ғана сай келеді.
"1-санатқа жататын 6 мың шақырым жол салынуы қажет. Оның тиімділігі өте жоғары. Мысалы, Қарағанды мен Алматы арасында 4 жолақты магистраль іске қосылды. Осы учаскеде адам өлімі 47 пайызға азайды", - дейді Сәденов.
Дерек көзі: https://sputnik.kz
