Медицинаның басты мақсаты - науқастың денсаулығына зиян келтірмеу. Азат Әбдірахманов

Денсаулық сақтау саласы – үкімет  саясатының басты бағыттарының бірі.  Сондықтан халық денсаулығын жақсарту, сырқатанудың алдын алу, пациенттерге сапалы медициналық қызмет ұсынуды қамтамасыз ету үнемі басты назарда болуы тиіс. 

Медициналық қызмет сапасына денсаулық сақтау мекемелерінің соңғы үлгідегі құрал-жабдықтармен жабдықталуы ғана емес, мамандардың білікті болуы да ықпал етеді.  Мамандардың біліктілігін арттыруға қаншалықты көңіл бөлінген, кадр тапшылығы мәселесі қалай шешіліп жатыр?

 Қазақстан сапа және инновацияларды басқару ұйымының президенті, ғылым докторы, профессор, Халықаралық сапа академиясының академигі Азат Әбірахманұлы осы салада қордаланған мәселелерге қатысты жеке пікірін білдірген еді.