"Медеу" спорт кешенінің әкімшілігі мұз айдынының ашылуына қатысты мәлімдеме жасады.
"Медеу" мұз айдынында жаңа сырғанау маусымы 2023 жылғы 15 қараша күні ашылады.
"Алматы тұрғындары мен қонақтары үшін 15 қарашада сағат 10:00-ден бастап "Медеу" мұз айдынында көпшілік коньки тебе алады, ал маусымның ашылу салтанаты сағат 13:30-де басталады. Мұз айдынының ашылу бағдарламасында коньки тебушілер мұз айдынында өнер көрсетеді, флешмоб өтеді, ұтыс ойындары ойнатылады, әртістер өнер көрсетеді, сондай-ақ кешеннің ең белсенді қонақтарына сыйлықтар беріледі" - деп хабарлады "Медеу" спорт кешенінің баспасөз қызметі.
Мұз айдыны әкімшілігі қазір нысанда дайындық жұмыстары аяқталып, мұз құйылып жатқанын мәлімдеді.
Медеу спорт кешені — жасанды мұз айдыны бар дүние жүзіндегі ең ірі спорт кешені. Алматы қаласынан 18 км жерде, Кіші Алматы шатқалында, теңіз деңгейінен 1691,2 м биікте орналасқан.
Табиғи мұз айдыны ретінде 1951 ж. пайдаланыла бастады. Медеу спорт кешені 1972 ж. тұрғызылды.