Мемлекет

Жеңілдетілген автонесие алуға ниет білдірген 4 290 азаматтың өтініші мақұлданды

  Жеңілдетілген автонесие алуға ниет білдірген 4 290 азаматтың өтініші мақұлданды

Жеңілдетілген автонесиеге өтініш берген 4290 қазақстандықтың өтініші оң шешімін тауып, 31,7 млрд теңге көлемінде несие бекітілді.

«Қазір жеңілдетілген автонесие беру жұмысы қарқынды жүріп жатыр. Азаматтар өтінішін екінші деңгейлі банктер қабылдап жатыр. Қазіргі сәтте 4290 азаматтың өтініші оң шешімін тапты. Оған  31,7 млрд теңге несие бөлінді. Бүгінде «Банк ЦентрКредит», Halyk Bank және Еуразия банкі өтініш қабылдап жатыр. Ертеңнен бастап бұл қатарға Forte Bank қосылады деп отырмыз».   «Өнеркәсіпті дамыту қоры» АҚ басқарма төрағасының орынбасары Жанар Ибрашева

«Статистика үнемі өзгеріп тұрады. Жоғарыда айтылған мәлімет - қазіргі жайт. Жеңілдетілген автонесие кәдімгі несие алу секілді. Яғни, алдымен клиенттің несиені өтеу мүмкіндігі қаралады. Сондықтан да кей клиенттердің өтініші кері қайтарылуы мүмкін. Бұл туралы толығырақ банктерден білу керек. Автокөлікке қол жеткізу де әр жағдайға байланысты. Клиент автосалонға келіп көлікті қарайды, егер қалаған машинасы бар болса, сол жерде бірден рәсімдейді. Егер клиент қалаған автокөлік жоқ болса, онда күтеді». Жанар Ибрашева

Аталған қордың мәліметінше, автонесиеге өтініш берушілер бойынша Алматы қаласы көш бастап тұр. Одан бөлек, үштікке Түркістан облысы және Нұр-Сұлтан қаласы кіріп отыр.

Фото: optimism.kzru.sputnik.kz

Айта кетейік, 16 мамырда Қазақстанда жеңілдетілген автонесие беру басталды.

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру