Қолданыстағы күнтізбе бойынша биылғы 2024 жыл кібісе боп есептеледі. Бұл — осы жылдағы тәулік саны жылдағыдан бір күнге артық деген сөз. Төрт жылда айналып келетін артық күнді қыс пен көктемнің түйісер тұсы — ақпанның соңына кіргізіп қойған. Яғни әрбір төртінші жыл 366 күнді дөңгелектейді. Сөйтіп, Кібісе жылының қарапайым жылдан бір күн артықшылығы бар.

Уикипедиядағы мәліметке назар салсақ, Кібісе жы­лының пайда болуы ежелгі Мысырдан бастау алған. Осы елдің ғалымы Сотис сонау жылдардың өзінде ең жарық жұлдыз — «Сүмбілені» біраз зерттеген. Оның таңертеңгі­­лік оңтүстік көкжиектен көрінетінін аңғарғаннан бастап, әр жылдың 365 күннен тұратынын анықта­ған. Осылай, жұлдыздардың жай-күйін терең зерттеген мысырлық ғалымдар күндерді жаңылмай санай отырып, халыққа Сүмбіленің туатын мезгілін дер кезінде ескертіп жүрді. Қазіргі қолданыстағы күнтізбе осын­дай санақтың нәтижесінде пайда болды. 

Ұлттық статистика бюросының мәліметінше, тәуелсіздік жылдарында (1992 жылдан бастап) 29 ақпанда 5110 адам дүниеге келген. Олардың 2707-cі — ер адам, 2403-і — әйел адам. Кібісе жылдарының арасында әзірге 2016 жыл көш бастап тұр. Бұл жылы 29 ақпанда 438 ер бала, 432 қыз бала өмірге келіпті.

Материал kaz.inform.kz сайтынан алынды.