Бас санитар дәрігер тасқынға байланысты қандай инфекция тарап кетуі мүмкін екенін айтты.

       Жұқпалы аурулар тарап кету қаупі бар. Эпидемиялық объектілерді су басу, адамдардың эвакуациялық пункттерде мәжбүрлі болуы да қауіп-қатерге әкеп соғады. Есмағамбетова ADAL Adam LIVE YouTube-арнасына берген сұхбатында осылай деп айтты.

       "Тарап кетуі мүмкін инфекцияның қайсысы ең қауіпті?" – деп сұрады АDAL Adam Live жүргізушісі Ержан Райханов.

       "Мен оны тіпті айтуға қорқамын. Инфекцияның өзі, қандай ауру екеніне қарамастан өте қауіпті", – дейді бас санитар дәрігер.

       Ол эпидемиологтар қандай инфекцияның таралуынан қорқатынын айтты.

       "Біз лас қолдар арқылы берілетін ішек инфекцияларынан қорқамыз. Жағдайды ескере отырып, қазір халықтың таза суға, яғни гигиеналық жағдайларды сақтауға мүмкіндігі шектеулі. Сол себепті ішек инфекциясының өршу қаупі бірінші орында тұр”, – дейді вице-министр. 

       Оның сөзінше, су инфекциялары да таралуы мүмкін. 

       “Бұл аурулар су қауіпті кезде туындайды. Әдетте, олар өте көп адамға тарайды. Инфекция тараған суды ішкендердің бәрі ауырып қалады. Сондықтан біз алдын алу шараларын сумен қамтамасыз етуге жұмылдырдық. Себебі халықтың көп бөлігі қысқа мерзімде эпидемиологиялық жағдайға ұшырауы мүмкін”, – деп атап өтті Есмағамбетова.

       Оның айтуынша, жалпы ауа-тамшы арқылы жұғатын инфекциялар – көкжөтел, қызылша сынды аулардың маусымы, бақытымызға орай, аяқталып жатыр.

       "Мен бас мемлекеттік дәрігердің қаулысын қабылдадым. Біздің нормативтерімізге сәйкес бұл қаулы меншік нысанына қарамастан, барлығы үшін міндетті саналады.

       Біз қауіпті көріп тұрмыз. Оларды болжап отырмыз. Енді су тартылғанын күтпей-ақ, қауіп-қатердің алдын алу үшін жұмыс істеп жатырмыз", – деп толықтырды денсаулық сақтау вице-министрі.

       Ол сондай-ақ денсаулық сақтау министрлігінің құзыретіне жатпайтын, бірақ қауіп тудыратын мәселелердің тағы біріне назар аударды. Ол – өлген жануарларды жинау және көзін жою.

       "Біз бәріміз үй жануарларының қырылғанына куә болып отырмыз. Оларды су алып кетсе, бір жерге тоқтайды. Енді жануарларға да, адамдарға да тән тасымалданатын инфекцияның қаупі туады. Сол себепті бұл сұрақтар ветеринария қызметіне көбірек қатысты болса да мәселені көтереміз. Сонымен қатар су тасқыны кезінде жұмысты жүзеге асырамыз және олардан кейінгі жұмысқа дайындаламыз", — деп атап өтті бас санитария дәрігері.

       Stan.kz